ԵՄ ֆինանսավորմամբ People in Need հայաստանյան ներկայացուցչությունը իրականացնում է «Անցում կրթությունից՝ աշխատաշուկա» ծրագիրը։ Ծրագրի շրջանակներում Ամասիայի պետական արհեսատագործական ուսումնարանը կազմակերպում է հետևյալ կարճաժամկետ կրթական ծրագրեր՝ աշխատանքի վրա հիմնված ուսուցման կրթական մոդելով․

1. Ամասիայի գլխավոր պանրագործարանի և «Բանդիվան Կաթ» ՍՊԸ-ի հետ համատեղ իրականացնում է «Յուղի, պանրի և կաթի արտադրության տեխնոլոգիա»՝ պանրագործ որոկավորմամբ կրթական ծրագիր։ Դասընթացի տևողությունը 3,5 ամիս է։
2. Կումայրի Կարպետ ՍՊԸ-ի հետ իրականացնում է «Զարդակիրառական նշանակության գորգագործական իրերի պատրաստում» գորգագործ որակավորմամբ,  կրթական ծրագիրը։ Դասընթացի տևողությունը 3,5 ամիս է։

Դասընթացի մասնակիցներին ամսական տրվելու է 10․000 ՀՀ դրամ կրթաթոշակ՝ հոգալու ուսումնառության հետ կապված ծախսերը։

Կրթական ծրագրի շրջանակներում գործնական դասընթացները անցկացնելու են ինչպես հաստատության նոր ձևավորված մասնագիտական լսարանում, այնպես էլ բիզնես գործընկերների արտադրամասերում։

Հայտերը դիտարկելիս առավելությունը տրվում է աշխատանք փնտրող գործազուրկներին, զոհված կամ հաշմանդամություն ստացած զինծառայողների ընտանիքներին, Արցախից տեղահանված անձանց, հաշմանդամություն ունեցող, մասնավոր բիզնես ունեցող անձանց։

Դասընթացին մասնակցելու համար հարկավոր է ուսումնարան ներկայացնել`

• Անձնագրի պատճենը (ներկայացնել բնօրինակի հետ)
• 2 լուսանկար (3×4չափի),
• Կրթությունը հաստատող փաստաթղթի պատճենը(ներկայացնել բնօրինակի հետ)

Դիմումներն ընդունվում են երկուշաբթիից ուրբաթ, ժամը 09։00-18։00, մինչև ս/թ հունիսի 4-ը։

Դասընթացների մեկնարկը՝ 2021 թվականի հունիսի 7-ից։

Հարցերի և հավելյալ տեղեկությունների համար կարող եք զանգել հետևյալ հեռախոսահամարով՝ +37493854525