2020 թվականի դեկտեմբերի 26-ին Ամասիայի արհեստագործական պետական ուսումնարանը եռակողմ հուշագիր ստորագրեց՝ Շիրակի մարզում տեքստիլ ու ագրոբիզնես ոլորտների աշխատաշուկայի պահանջներին համապատասխան մրցունակ մասնագետներ պատրաստելու եւ վերապատրաստելու նպատակով:

Եռակողմ համագործակցության հուշագրերը կնքվել են People in Need-ի հետ՝ Ամասիայի արհեստագործական պետական ուսումնարանի և Բանդիվան Կաթի միջև, Ամասիայի արհեստագործական պետական ուսումնարանի և Ամասիայի գլխավորող պանրագործարանի միջև, Ամասիայի արհեստագործական պետական ուսումնարանի և Կումայրի կարպետի միջև։

Կողմերի միջև համագործակցությունը, ինչպես նաև ՄԿՈՒ հաստատությունների մանկավարժական կազմի մասնագիտական կարողությունների զարգացման, նյութատեխնիկական բազայի համալրման և մյուս միջոցառումները 2019 թվականից իրականացվում են People in Need կազմակերպության կողմից՝ Եվրոպական միության ֆինանսավորմամբ ընթացող «Անցում կրթությունից՝ աշխատաշուկա» ծրագրի շրջանակում։

Հուշագրերի ստորագրման պաշտոնական արարողությունն ընթացել է ՀՀ Կրթության, գիտության, մշակույթի և սպորտի նախարարության Նախնական արհեստագործական և միջին մասնագիտական կրթության վարչության պետ Արտակ Աղբալյանի, Շիրակի մարզպետարանի կրթության բաժի պետ Գևորգ Ղումաշյանի, Գյումրու Տարածքային զբաղվածության կենտրոնի տնօրեն Ամալյա Ադամյանի և այլ հյուրերի մասնակցությամբ։

«Անցում կրթությունից՝ աշխատաշուկա» ծրագիրն իրականացվում է People in Need կազմակերպության հայաստանյան ներկայացուցչության կողմից Եվրոպական միության ֆինանսավորմամբ։ Ծրագրի գործընկերներն են Ամասիայի արհեստագործական պետական ուսումնարանը, ինչպես նաև Ջի-Այ-Զեթը (GIZ-Գերմանիայի միջազգային համագործակցության ընկերություն) և Զբաղվածության պետական գործակալությունը։